Qazi Mustafa Kamal Atatürk müasir Türkiyə Cumhuriyyətinin qurucu, lideri kimi türk tarixinin ən önəmli simalarından biridir. O, 1923-cü ildən etibarən Cumhuriyyətin ilk prezidenti olaraq ölkənin müstəqilliyi üçün misilsiz mübarizə aparmış və Türkiyə dövlətinin qurulmasında əvəzsiz rol oynamışdır.
Atatürk islahatları və yenilikçi düşüncə tərzi ilə seçilən lider olmuşdur. Xüsusilə onun dövlətçilik prinsipləri, qadınların hüquqlarının müdafiəsi, təhsil islahatları və iqtisadi sferada fərqli yanaşmaları bu gündə siyasi mərkəzlər tərəfindən tətqiq olunan mövzular sırasındadır.
Dahi liderin 10 noyabr 1938-ci ildə vəfat etməsi Türk xalqı üçün dərin bir itki olmuşdur. O, yalnız lider kimi deyil, eyni zamanda ideologiya və azadlıq simvoluna çevrilmişdir.
Qazi Mustafa Kamal Atatürkün ideyaları bu gündə Türkiyənin sosial, siyasi və iqtisadi inkişafında əsas stimullardan biridir.
Dahi öndər Atatürkün xatirəsini hörmət və ehtiramla anırıq.
Günay Ağamalı
Milli Məclisin deputatı, Ana Vətən Partiyasının sədr müavini.
10 Noyabr 2024-cü il.
