Vətən Müharibəsində ordusu darmadağın edilən Ermənistan rəhbərliyinin kapituliyasiya aktına imza artmasından sonra dekabrın 1-də erməni hərbi birləşmələri Laçın rayonunu ərazisindən çıxarıldı və bununla da 30 ilə yaxın davam edən işğala son qoyuldu.
Strateji və coğrafi cəhətdən əlverişli mövqedə yerləşən Laçın rayonunun bir güllə atılmadan və bir şəhid verilmədən geri alınması cənab Prezident İlham Əliyevin timsalında Azərbaycan diplomatiyasının növbəti uğuru idi.
2030-cu ilədək Azərbaycanın beş Milli Prioritetlərindən biri olan “Böyük Qayıdış” proqramı çərçivəsində, Laçın rayonu yenidən qurulur, infrastruktur layihələri böyük sürətlə davam etdirilir və şəhərə köç etmiş sakinlərin sosial rifahının yaxşılaşdırılması istiqamətində zəruri bütün işlər yüksək səviyyədə həyata keçirilir.
Ermənistanla sərhəddə, tarixi Qərbi Azərbaycan torpaqlarına giriş qapımız olan Laçın şəhərinin sürətli inkişafı düşmənə göz dağıdır.
Laçın, azadlığın mübarək!
Günay Ağamalı
Milli Məclisin deputatı, Ana Vətən Partiyasının sədr müavini.
01 Dekabr 2024-cü il.
