Payız-qış mövsümündə ölkə ərazisində kəskin respirator virus infeksiyalarının yayılmasının qarşısının alınması məqsədilə ötən ayın ortalarından TƏBİB-in tabeliyindəki tibb müəssisələrində “soyuq zəncir” sisteminin tələbləri nəzərə alınmaqla profilaktik və əksepidemik tədbirlər həyata keçirilir. Vaksinasiya prosesində Səhiyyə Nazirliyi tərəfindən ölkəyə yeni gətirilən “Abbott” şirkətinin istehsalı olan tam təhlükəsiz və yüksək keyfiyyətli vaksin preparatlarından istifadə olunur.
Salyan Rayon Mərkəzi Xəstəxanasının Ailə Sağlamlıq Mərkəzində direktor, müavinlər, şöbə və bölmə rəhbərləri, eləcə də əməkdaşlar da peyvənd olunublar.
Peyvənd olunmaq respirator virus infeksiyalarına yoluxmaqdan qorunmaq üçün ən effektiv üsuldur.
Qeyd edək ki, qrip əleyhinə peyvənd olunmaq könüllülük prinsipi əsasında həyata keçirilir və tam ödənişsizdir.
